Mənim səsimi eşitmədinmi?
Bir gün imam Əli (ə) qulamlarından birini çağırır. Ancaq qulam cavab vermir. Həzrət ikinci və üçüncü dəfə onu səsləyir, lakin qulamdan yenə bir xəbər olmur. İmam yerindən qalxıb onu axtarır və onun istirahət etdiyini görür.Əmir əl-möminin (ə) ona buyurur: – Mənim səsimi eşitmədinmi?
– Eşitdim.
– Bəs nə üçün mənə cavab vermədin?
– Ya Əli, bu işimə görə sənin məni cəzalandırmayacağına və danlamayacağına əmin idim. Ona görə də səhlənkarlıq etdim.
İmam Əli (ə) buyurdu: – Səni Allah yolunda azad etdim.
Qaynaq: “Məhcətul-bəyza”, c. 5, səh. 123.
