Qurani-Kərim Surələrinin Fəzilətləri

2 - Nəbiyyi-Əkrəm (s.ə.v.v.) buyurub: "Hər kəs Fatihətul-kitab surəsini oxusa, ona Quranın üçdə ikisinin (2/3) oxunmasının savabını verərlər. Elə bil ki, hər mömin və möminəyə sədəqə vermişdir". Yenə də bu məzmunda ayrı bir rəvayətdə az fərqlə nəql olunub: "Elə bil ki, o, Quranın hamısını oxumuşdur". Übəyy ibn Kəb deyir: "Mən Fatihətul-kitabı Rəsuli-Əkrəm (s.ə.v.v.)-ə oxudum. Həzrət buyurdu: «And olsun Allaha ki, Mənim canım Onun əlindədir; Tövratda, İncildə, Zəburda və hətta Quranın özündə bunun gibi surə yoxdur. Bu surə Ümmül-kitabdır (kitabın anası) və Səbu-məsanidir (yeddi ayədən ibarətdir). Bu surə Allah və bəndə arasında bölüşdürülmüşdür və bəndə istədiyini ala bilir»". Məhəmməd ibn Məsud Əyyaşi nəql edir ki, Nəbiyyi-Əkrəm (s.ə.v.v.) Cabirə buyurdu: "Ey Cabir, istəyirsənmi Allahın Öz kitabında nazil etdiyi ən yaxşı surəni sənə öyrədim?". Cabir dedi: "Bəli, atam-anam sənə fəda olsun, ya Rəsulallah, öyrət mənə". Sonra Rəsuli-Əkrəm (s.ə.v.v.) "Ümmül-kitab" adlanan Həmd surəsini ona öyrətdi. Sonra isə Həzrət buyurdu: "Ey Cabir, onun fəziləti haqqında bilmək istəyirsənmi?". Dedi: "Bəli, atam-anam sənə qurban". Həzrət buyurdu: "Bu surə ölümdən başqa hər bir dərdə (xərçəng, iflic, həsəd...) şəfadır". İmam Sadiqdən (ə) nəql olunub ki, əgər bir kəs Həmd surəsindən şəfa ala bilməsə, heç bir şey onu sağaltmaz.

Əmirəlmöminin Əli (ə) Nəbiyyi-Əkrəmdən (s.ə.v.v.) nəql edir ki, Allah mənə buyurdu: "Vələqəd ateyna kə səb’an minəl-məsani vəl-Quranəl-əzim" (Ey Məhəmməd, Biz sənə yeddi ayəni ki, iki dəfə nazil olub, və əzəmətli Quranı verdik. — Hicr surəsi, 87-ci ayə).

Həzrəti Məhəmməd (s.ə.v.v.) buyurur: "Allah Həmd surəsini bütün Quranın bərabərində qərar verdi və xüsusilə onu nazil edəndə mənə minnət qoyub buyurdu ki, Fatihətul-kitab Ərş xəzinəsinin ən qiymətli surəsidir. Allah-taala bu surəni Məhəmmədə (s.ə.v.v.) məxsus edib, ona şərafət bəxş etdi və Həzrət Süleymandan (ə) başqalarını bunda şərik etmədi. Ancaq Süleyman peyğəmbərə bu surədən «Bismillahir-rəhmanir-rəhim» nazil edildi. Necə ki, Quran Bilqeysin dilindən belə hekayət edir: «Süleyman (ə) tərəfindən mənə bir məktub verdilər ki, Bağışlayan və mehriban Allahın adı ilə başlanır»". Həzrət sonra buyurdu: "Hər kəs onu (Həmd surəsini) oxusa, Məhəmməd (s.ə.v.v.) və onun Əhli-beyti ilə zahirdə və batində dost, onlara iman gətirib fərmanlarına itaət etmiş olar. Allah-taala hər bir hərfin müqabilində ona savab verər ki, onun hər biri dünyadan və onun xeyirlərindən üstün olar. Əgər bir kəs bu surə oxunanda ona qulaq vursa, oxunuşun üçdə birinin (1/3) savabını alacaqdır. Bunları qənimət sayıb çoxaldın; vaxtı ötüb keçməsin ki, sonra onun həsrəti qəlbinizdə qalar".

Bu surəni 40 dəfə qabdakı suya oxuyub, sonra onu xəstəyə içirin və sədəqə də verin. Sədəqə verilən şəxsə deyin ki, (filan) xəstənin sağalması üçün dua etsin.

Cümə axşamı mühüm işlərin hasil olması üçün Həmd surəsini 1011 dəfə oxuyun (təcrübə olunub).

Əhəmiyyətli işlərin hasil olması, bəlanın və düşmənin dəf olması üçün bu surəni xətm edin: Şənbə günü (altıncı gün) 70 dəfə, bazar günü 60 dəfə, birinci gün 50 dəfə, ikinci gün 40 dəfə, üçüncü gün 30 dəfə, dördüncü gün 20 dəfə, cümə günü (beşinci gün) isə 10 dəfə Fatihə surəsini oxuyun (təcrübə olunmuşdur). Cümə günündən başlayıb qırx gün və hər gün 41 dəfə Həmd surəsini oxusun və hər dəfə oxuyandan sonra 13 dəfə desin: "Ya mufəttihu fəttih. Ya mufərricu fərric. Ya musəbbibu səbbib. Ya musəyyiru yəssir. Ya musəhhilu səhhil. Ya mutəmmimu təmmim. Və həsbunallahu və ni'məl vəkil". Hər kəs xalis niyyətlə bu xətmi oxusa, o qədər var-dövlətə malik olar ki, yığıb-yığışdıra bilməz. (“Minhac”, səhifə 432).

Miybədinin “Kəşfül-əsrar” kitabında yazılıb ki, hər kəs bu surəni aşağıdakı tərzdə oxusa, inşAllah öz məqsədinə nail olar: Bir həftə ərzində hər gün 111 dəfə və 111 salavat göndərməklə xətm etsin. Əlbəttə, bir şərti də budur ki, yeddi gün ərzində heyvan əti yeməsin. Sonra öz məqsədinə çatmaqdan ötrü desin: "Bismillahir-rəhmanir-rəhim. Əlhəmdu lillahi Rəbbil aləmin. Ərrəhmanir-rəhim. Maliki yəvmiddin. İyyakə nə'budu və iyyakə nəstəin" — sonra Tövhid (Qul huvəllah) surəsini üç dəfə oxusun. Onun davamında "Allahummə kəma cəmə'tə bəynə sifatikə və əsmaikə və əf'alikə, fəcmə' bəyni və bəynə hacəti, bihəqqi Muhəmmədin və alihi əcməin" duasını oxusun. Sonra isə Həmd surəsinin qalanını, yəni "İhdinəs-siratəl mustəqim. Siratəlləzinə ə'nəmtə ələyhim ğəyril məğzubi ələyhim vələzzallin" oxusun. Müqəddəs Ərdəbilidən nəql olunub ki, hər kəs Həmd surəsini bu iki ayə ilə on gün ərzində, gündə on bir dəfə (hamısı birlikdə 110 dəfə olmaqla), hər bir böyük yaxud kiçik hacət və mətləbinin olmasından asılı olmayaraq oxusun. Bu üslub da təcrübə olunmuşdur və hacətə çatmaq üçün daha əlverişlidir.

Deyirlər ki, qüdrətli olmaqla bərabər, onu yerinə yetirməkdə acizlik qarşıya çıxarsa (göz dəyməsin), üç cümə axşamı, hər gecəsində bir rükət namaz qılsın və hər rükətdə on dəfə Həmd surəsini və on bir dəfə Tövhid surəsini oxusun. Salamdan sonra 100 dəfə salavat göndərsin.

Bir nəfər özünün yoxsulluğundan Peyğəmbərə (s.ə.v.v.) şikayət etdi. Həzrət buyurdu: "Öz evinə daxil olanda salam ver və bir dəfə Həmd surəsini oxu". O kişi Həzrətin buyurduğu kimi etdi; Allah-taala onun özünün və qonşularının ruzisinə bərəkət verdi.

Əbu Süleyman nəql edir ki: "Allahın Rəsulu (s.ə.v.v.) ilə kafirlərə qarşı müharibəyə getmişdim, aramızda bir kişi sərt epilepsiya (bir növ əsəb xəstəliyidir) xəstəliyinə tutulmuşdu. Səhabələrdən birisi Fatihə surəsini onun qulağına oxudu, o, ayağa qalxıb tamamilə şəfa tapdı". Bu hekayəti kainatın ağası Rəsulullaha çatdırdılar. Həzrət buyurdu: "Hiyə Ümmül-kitab və hiyə şifaun min külli dain" (Yəni, o, Quranın anasıdır və hər dərdə şəfadır).

Həmd surəsini yetmiş dəfə oxumaq hər bir dərd üçün faydalıdır.

Müqəddəs Ərdəbilidən nəql olunub ki, hər kəs Həmd surəsini bu iki ayə ilə on gün və hər gündə on bir dəfə oxusun (hamısı bir yerdə 110 dəfə olur). Bütün kiçik, böyük hacət və mətləbi olmuş olsa belə, bunları oxusa, hacətinin müstəcab olmağını yaxınlaşdırar (təcrübə olunub):

1 - "Ənzələ ələykum min bə'dil ğəmmi əmənətən nuasən yəğşa taifətən minkum və taifətun qəd əhəmməthum ənfusuhum yəzunnunə billahi ğəyrəl həqqi zənnəl cahiliyyəti. Yqulunə həl-ləna minəl əmri min şəy'in. Qul innəl əmrə kulləhu lillahi, yuxfunə fi ənfusihim mala-yubdunə ləkə yəqulunə ləv kanə ləna minəl-əmri şəy'un ma qutilna hahuna. Qul ləv kuntum fi buyutikum ləbərəzəlləzinə kutibə ələyhimul qətlu ila məzaciihim və liyəbtəliyəllahu ma fi sudurikum və liyuməhhisə ma fi qulubikum. Vallahu əlimun bi zatis-sudur". (Ali-İmran surəsi, 154)

2 - "Muhəmmədun Rəsulullahi vəlləzinə məəhu əşiddau ələl kuffari ruhəmau bəynəhum tərahum rukkəən succədən yəbtəğunə fəzlən minəllahi və rizvanən simahum fi vucuhihim min əsəris-sucudi. Zalikə məsəluhum fit-Tövrat. Və məsəluhum fil-İncil kəzərin əxrəcə şət’əhu fəazarəhu fəstəğləzə fəstəva əla suqihi yu'cibuz-zərraə liyəğizə bihimul kuffaru vəədəllahul-ləzinə amənu və əmilus-salihati minhum məğfirətən və əcrən əzimən". (Fəth surəsi, 29)

İmam Sadiq (ə) buyurdu: "Əgər bir kəs bu ayəni — “Və iz cəəlnəl-bəytə məsabətən linnasi və əmnən vəttəxizu min məqami İbrahimə musəllə. Və əhidnə ilə İbrahimə və İsmailə ən təhhirə bəytiyə lit-taifinə vəl-akifinə vər-rukkəis-sucud” (125) — yatan zaman oxusa və Allahdan müəyyən bir vaxtda oyanmasını istəsə, bu əməl hasil olacaqdır."

Təcrübə yolu ilə sabit olmuşdur ki, hər kəs aşağıdakı ayəni üç dəfə oxusa və onun əvvəlində və axırında Peyğəmbərə salavat göndərsə, ruzinin çoxalmasına və kilidlərin (düyünlərin) açılmasına səbəb olar: “Və mən yəttəqillahə yəc’əl ləhu məxrəcən. Və yərzuqhu min həysu lə yəhtəsib. Və mən yətəvəkkəl ələllahi fəhuvə həsbuh. Innəllahə baliğu əmrihi qəd cəələllahu li-kulli şey’in qədrən.” Allahın Rəsulu (s.ə.v.v.) buyurdu: "“Bəqərə” surəsini öyrənin! Çünki oxumaq bərəkət, tərk etmək isə həsrət gətirər. Sehrkarlar bu surəyə yol tapa bilməzlər." Sonra Həzrət yenə buyurdu: "Bu surəni oxuyan şəxsə Allahın rəhmət və salamı olsun."

Allahın Rəsulu (s.ə.v.v.) buyurdu: "Ya Əli (ə), bu ayə (ayələr) oxunan evin yanına lənətlənmiş İblis üç gün yaxın gələ bilmez. Və yaxud qırx gecə-gündüz heç bir cadu o evə daxil olmaz." Sonra Həzrət yenə buyurdu: "Ey Əli (ə), bu ayəni (“Ayətəl-kürsü”nü) övladlarına və qonşularına öyrət. Çünki bundan üstün ayə nazil olmamışdır."

Hər kəs ayəni (“Ayətəl-kürsü”nü) yatan zaman oxusa, Allah-taala onun ailəsini və ətrafında olan bir neçə qonşusunu şeytanın şərrindən amanda saxlayar.

Allahın Rəsulu (s.ə.v.v.) buyurdu: "Bir kəs evindən çıxanda bu ayəni (“Ayətəl-kürsü”nü) oxusa, evinə qayıdıb gələnə qədər onun bağışlanması üçün Allah-taala yetmiş min mələyi məmur edər. Evinə gəlib çatdıqda isə fəqirliyi ondan uzaqlaşdırar."

Əmr ibn Ubəy Əl-Miqdam deyir: "İmam Məhəmməd Baqirdən (ə) eşitdim, belə buyurdu: “Ayətəl-kürsü”nü oxumaq min ədəd dünyəvi pisliyi (çətinliyi) və min ədəd üxrəvi (axirətdəki) çətinliyi aradan aparar ki, ən asan (yüngül) şey dünyada fəqirlik (kasıblıq), axirətdə ən dözülməz şey isə qəbir sıxıntısıdır."

Əbdullah ibn Cəfər deyir: "Mən elə bir dərdə mübtəla oldum ki, təbiblərin onu əlac etməkdən aciz qaldılar. Bir gecə incik halda bu haqda fikirləşirdim ki, iki kişi mənim qarşımda dayanıb deyirlər: “Bu kişi elə bir ayəni oxudu ki, onda üç yüz altmış beş (365) rəhmət vardır. İndi bu rəhmətdən biri o kişiyə şamil oldu”. Mən yuxudan oyandım və özümün o dərddən nicat tapdığımı gördüm."

İsbəğ ibn Nəbatə bir hədisdə Əlidən (ə) belə nəql edir: "Bir kişi o cənabın xidmətinə təşrif gətirdi (gəldi) və dedi: “Mənim qarnıma sarı su yığılıb, görəsən mənim dərdimə şəfa var?”. Həzrət buyurdu: “Bəli, dinar və dirhəm xərcləmədən”. Söylədi: “Axı necə?”. Həzrət buyurdu: “Ayətəl-kürsü”nü qarnına yaz, sonra onu yuyub suyunu iç. Allahın izni ilə şəfa tapacaqsan”."

Bu ayəni (“Ayətəl-kürsü”nü) on dörd (14) dəfə xəstə adama oxusanız, inşallah, şəfa tapacaqdır.

Hər kəs günəş qürub edən (batanda) vaxt bu ayəni (“Ayətəl-kürsü”nü) qırx bir dəfə oxusa, onun hacəti rəva olar.

Özünüzün və nəslinizin bəlalardan sağ-salamat qalması üçün bu ayəni qırx (40) dəfə “Əliyyul-Əzim”ə kimi oxuyun (təcrübə olunub).

Böyük şəxsiyyətlərin yanında izzətli və hörmətli olmaq üçün “Ayətəl-kürsü”nü üç dəfə oxuyub əllərinin içinə üfür və üzünə çək.

Gözün nurlu olması üçün hər namazdan sonra əllərini gözlərinə qoyub bir dəfə “Həmd” surəsini və “Ayətəl-kürsü”nü oxusun. Sonra bu duanı desin: “Uizu nurə bəsəri bi-nurillahilləzi lə yətfə.”

Bu surə və ayələrdə İsmi-Əzəm (Allahın əzəmətli adları) çox gözə çarpır. O cümlədən: “Həmd”, “Tövhid”, “Ayətəl-kürsü”, “Şəhidallah”, “Qul allahummə”, “Amənər-rəsul”, “Həşr” surəsinin sonu və “Bismillahir-rəhmanir-rəhim” onlardandır.

Deyirlər, qurdların və çəyirtkələrin ziyan vurmaması üçün “Ayətəl-kürsü”nü yazıb bağın dörd guşəsində basdırın.

Deyirlər ki, “Ayətəl-kürsü”nü üç dəfə suya oxusun, sonra üzünü o su ilə yusun və iki rükət namaz qılsın. Hər rükətdə bir dəfə “Həmd” surəsini və “Ayətəl-kürsü”nü oxusun. Hər nə mətləbi olsa, inşallah, hasil olar.

Deyirlər ki, hər kəs “Ayətəl-kürsü”nü oxuyub öz qoluna bağlasa, hara getsə əziz və hörmətli olar.

Deyirlər ki, hər kəs “Ayətəl-kürsü”nü oxuyub şirin nara üfürsə və dörd aydan sonra onu hamilə qadına versəniz, onun uşağı oğlan olar.

Salman Farsi Allahın Rəsulundan (s.ə.v.v.) bir hədisdə nəql edir ki, Həzrət belə buyurdu: "Hər kəs “Ayətəl-kürsü”nü zəfəranla sağ əlinin içinə yazıb onun suyunu dili ilə yalasa və bu işi yeddi dəfə təkrar etsə, heç vaxt bir şeyi unutmaz. Mələklər də onun bağışlanmasını istəyərlər."

Deyirlər ki, müşkil və böyük çətinliklər üz verəndə “Ayətəl-kürsü”nü on iki dəfə oxumaq faydalıdır.

Allah-taala bir kəsə təzə paltar əta etsə, dəstəmaz alsın, iki rükət namazı “Həmd”, “Ayətəl-kürsü”, “İxlas” (Qul huvəllah) və “Qədr” (İnnə ənzəlnəhu) surələri ilə qılsın. Sonra Allaha onun övrətini örtməsinə və xalq arasında onu zinətləndirdiyinə görə şükür etsin. Və bu sözləri — “Lə həv lə vələ quvvətə illə billahil əliyyil əzim” — çoxlu təkrar etsin ki, günaha düçar olmasın. Onun bu əməlinə görə hər sapın sayı qədər mələk onun bağışlanmasını və rəhmətə şamil olmasını diləyib, onun üçün həmd-səna edərlər.

Hər zaman bir kəsin gözü ağrısa, “Ayətəl-kürsü”nü düzgün etiqadla oxusun. İnşallah, şəfa tapar.

(Amənər-Rəsul):

Ali-İmran surəsinin fəzilətləri

Digər bir nüsxədə: Übəyy ibn Kəb Peyğəmbərdən (s.ə.v.v.) nəql etmişdir ki, Həzrət buyurdu: "Hər kəs “Ali-İmran” surəsini oxusa, Allah-taala bu surənin hər ayəsinin müqabilində Cəhənnəm körpüsündən keçmək üçün amannamə (keçid vərəqəsi) əta edəcək."

İbn Abbas deyir: Rəsuli-Əkrəm (s.ə.v.v.) buyurdu: "Hər kəs “Ali-İmran” surəsini cümə günü günbatana qədər oxusa, Allah və mələkləri onun üçün salam göndərərlər." Burəydə deyir: Nəbiyyi-Əkrəm (s.ə.v.v.) buyurdu: "“Bəqərə” və “Ali-İmran” surəsini öyrənin. Çünki onların ikisi bir nurdur. Qiyamət günü onları bilən şəxs üçün bu surələr iki bulud, iki pərdə, yaxud iki cərgədən ibarət quşlar kimi kölgə salacaqdır."

Yuxudan oyandıqda öz ətrafınıza baxın və “Ali-İmran” surəsinin sonunu — *"İnnə fi xəlqis-səməvəti"*dən *"Lə tuxliful-miad"*a kimi oxusanız, çox faydalıdır. (Ali-İmran, 190-194).

Əgər bu ayəni ağrıyan yerə (üzvə) oxusanız, şəfa tapar: “Bismillahir-rəhmanir-rəhim. Rəbbənə lə tuziğ qulubənə bə’də iz hədəytənə və həblənə min lədunkə rəhmətən. İnnəkə əntəl-vəhhab.”

İbn Məsud deyir: "Allahın Rəsulundan (s.ə.v.v.) eşitdim ki, belə buyurdu: “Hər kəs (aşağıdakı) bu ayəni oxusa, Allah Qiyamət günündə ona buyurar: "Ey bəndəm, Mənim əhdimə vəfa etdin və əmanətimi yerinə yetirdin ki, o, yeganəlik və tövhiddən ibarətdir; Mən də öz əhdinə vəfa edənlərin ən ləyaqətlisiyəm. Bəs, ey Mənim mələklərim, Behiştin qapılarını açın ki, o, hansı qapıdan istəyirsə, daxil olsun"". Ayə: *"Şəhidəllahu ənnəhu lə iləhə illə huvə vəl-məlaikətu və ulul-ilmi qaimən bil-qist"*dən *"və tərzuqu mən təşau bi-ğəyri hisab"*a kimi (Ali-İmran, 18-27).

Bir kəs evdən xaric olanda (çıxanda) “Ali-İmran” surəsinin axırıncı ayələrini, “Qədr”, “Həmd” və “Ayətəl-kürsü”nü oxusa, dünyada və axirətdə hacətləri qəbul olunacaq.

Allah buyurur: "Rəbbənə və ətinə mə vəədtənə" — surənin axırı kimi (194-cü ayədən 200-cü ayəyə qədər). Çünki Allah-taaladan vədə xilaf çıxmaq caiz deyil. Beləliklə, *"Ətinə mə vəədtənə"*dən məqsəd Allahın dərgahına zarıldayıb ağlamaq və Allahdan başqasından rabitəni kəsməkdir. Allahın buyurduğu bunun kimidir: "Rəbbihkum bil-həqq" (Ənbiya, 112).

Nəbiyyi-Əkrəmdən (s.ə.v.v.) rəvayət olunub ki, Allah hər bir kəsə savab vədəsi versə, əlbəttə, ona vəfa edəcək; və hər kəsə əzab vədəsi versə, əgər istəsə, əzab verəcək və əgər istəməsə, əzab verməyəcək — bu iş Onun öz ixtiyarındadır. Həqiqətən, Nəbiyyi-Əkrəm (s.ə.v.v.) həmişə buyurardı: "Hər kəs gecə bu ayələri (“Ali-İmran” surəsinin axırını) oxusa, elə bil ki, bütün gecəni ibadət etmişdir." Həzrəti Sadiqdən (ə) nəql olunub ki, hər kim üçün çətinlik qarşıya çıxsa, beş dəfə "Rəbbənə" desin, Haqq-taala onun müşkülünü həll edər. O Həzrətdən soruşdular: "Yəbnə Rəsulallah, bunun mənbəyi nədir (haradandır)?" Buyurdu ki: "Allah-taala bu beş kəlmənin (Ali-İmran, 194) — "Rəbbənə və ətinə mə vəədtənə ələ rusulik" — bərəkətinə görə möminin duasını icabət (qəbul) edib buyurdu: "Fəstəcabə ləhum rəbbuhum" (Ali-İmran, 195)."

“Ali-İmran” surəsinin 26-cı ayəsində Allah-taala buyurur: *"Qulillahummə malikəl-mulki tu’til-mulkə mən təşau"*dan *"bi-ğəyri hisab"*a qədər. Yəni: "De: "İlahi! Ey hökumət maliki, hər kimə istəsən hökumət verirsən və hər kimdən istəsən hökuməti alırsan; hər kəsə istəsən izzət verərsən və hər kimi istəsən zəlil və xar edərsən. Bütün yaxşılıqlar Sənin əlindədir. Sən hər şeyə qadirsən"".

İşlərin açılması və dövlətli olmaq üçün bu ayəni 350 dəfə oxusun: "Qul innəl-fəzlə bi-yədillahi yu’tihi mən yəşau, vəllahu vasiun əlim." (Ali-İmran, 73).

Allahın Rəsulundan (s.ə.v.v.) rəvayət olunub ki, hər kəs cümə axşamı “Ali-İmran” surəsini oxusa, Qiyamətdə ona iki qanad verərlər ki, ildırım sürəti ile Sirat körpüsündən keçər.

İbn Abbas Həzrəti Rəsuldan (s.ə.v.v.) rəvayət edir ki: "Hər kəs cümə günü “Ali-İmran” surəsini oxusa, Haqq-taala və mələklər günəş batana qədər ona salavat göndərərlər."

Həzrəti Rəsul (s.ə.v.v.) buyurub: "“Bəqərə” və “Ali-İmran” surəsini öyrənin ki, işıq saçandırlar. Yəni bu iki surə nur verən və işıqlandırandırlar. Bunlar iki bulud parçası kimi başının üstündə kölgə salacaqlar."

Həzrəti Rəsuldan (s.ə.v.v.) ayrı bir rəvayətdə nəql olunur ki, hər kəs cümə axşamı “Ali-İmran” surəsini oxusa, Qiyamət günü ona iki qanad verərlər ki, onun vasitəsilə Sirat körpüsündən ildırım sürəti ilə keçər.

Başqa bir rəvayətdə nəql olunub ki, Muaz ibn Cəbəl rəvayət edir: "Tələbkarların borcunu tələb etməsinə görə bir cümə namazında iştirak edə bilmədim. Nəbiyyi-Əkrəm (s.ə.v.v.) buyurdu: “Ey Muaz! Hansı şey səni cümə namazından saxladı?” Dedi: “Mənim borcum var idi...” Peyğəmbər buyurdu: “Sənə bir dua öyrədim ki, onu oxusan Allah borcunu ödəyər.”"

Ömər ibn Xəttabdan (Raşidi xəlifələrindən) rəvayət olunub. O deyib: "“Bəqərə”, “Maidə”, “Həcc”, “Nur” surələrini öyrənin, çünki fərizələr və vacibatlar bu surələrdədir." Əyyaşi (qabaqkı hədisi) Əmirəlmöminindən (ə) də nəql edib.

Əgər bir şəxs bir şəhərdə, yaxud kənddə ürəyi sıxıla və darıxa və o məhəllədən çıxmağı bacarmaya, o dərəcədə ki, heç cür oradan çıxa bilməsə, bu ayəni oxusa, əlbəttə, bu ayə onun tezliklə o məhəllədən xaric olmasına səbəb olar: "Rəbbənə əxricnə min həzihil-qəryətiz-zalimi əhluhə, vəc’əl-lənə min lədunkə vəliyyən, vəc’əl-lənə min lədunkə nəsirən." (“Nisa” surəsi, 75).

Hər zaman müəyyən məkanda bir şey itsə, bu ayəni yazıb yağış suyu ilə yusunlar və sudan həmin yerə səpsinlər; əgər Allah istəsə, o şey tapılar: "İnnallahə yə’murukum ən tuəddul-əmanati ilə əhlihə. Və izə həkəmtum bəynən-nasi ən təhkumu bil-ədl. İnnallahə kənə səmiən bəsirən." (“Nisa” surəsi, 58).

Çox danışanın sakitləşməsi üçün bu ayəni yazıb ona bağlasanız, az danışar: "Lə yuhibbullahul-cəhrə bis-sui minəl-qəvli illə mən zulimə, və kənallahu səmiən əlimən." (“Nisa” surəsi, 148).

Allah-taala buyurur: "Lə yuhibbullahul-cəhrə bis-sui minəl-qəvli illə mən zulimə və kənallahu səmiən əlimən." Yəni: "Allah bir kəsin öz sözləri ilə başqasının pisliklərinin izhar olunmasını (açıqlanmasını) sevmir, məgər ki, o kəs zülmə məruz qalmış ola; Allah eşidən və biləndir."

Bu ayəni çox danışan, xudbin və təkəbbürlü, öz danışığı ilə məğrur olan adamın müqabilində (göz qabağında) yazmaq lazımdır. Əgər onun sakitləşməsini istəsən, bunu oxusan, az danışacaqdır. Və əgər bir kəs bu ayəni ceyran dərisinə yazsa və özü ilə saxlasa, zalım, yaxud cabbar hakimin yanına getsə, ondan qorxarlar. Bu ayəni təkrar-təkrar oxusan, cabbar (təkəbbürlü) hakimin şərrindən amanda qalar və ona heç bir zərər dəyməz.

Əgər bu ayəni müşk, zəfəran və gülabla yazıb yağış suyu ilə yuyub onu hakimin üstünə səpsən, ədaləti riayət edib doğruluğa hökm edər.

Bu ayəni paltarın bir parçasına (yaxasına) yazsınlar; o paltarı cümə axşamı kəsmək və sonra onu acıdilli qadına yedizdirmək üçün istifadə edərlər."

Həmçinin Əbi Həmzə Sumalidən nəql olunub ki, “Maidə” surəsi bütövlükdə, kamil surətdə nazil olunub və “Maidə” surəsi ile birlikdə yetmiş min mələk yerə gəldilər.

Hər kəs sübh vaxtı bir söz danışmamışdan qabaq bu ayəni üç dəfə oxusa, həmin gün güman etmədiyi qədər ruzisi çoxalar: "Bismillahir-rəhmanir-rəhim. Rəbbənə ənzil ələynə maidətən minəs-səməi təkunu lənə iydən li-əvvəlinə və əxirinə və ayətən minkə. Vərzuqnə və əntə xəyrur-raziqin." (“Maidə” surəsi, 114).

Həmçinin Cabir ibn Ənsari Nəbiyyi-Əkrəmdən (s.ə.v.v.) rəvayət edir ki, o Həzrət belə buyurdu: "Hər kəs “Ənam” surəsinin əvvəlindəki üç ayəni oxusa, Allah qırx min mələyi Qiyamət gününə qədər onun üçün vəkil edər ki, bu əməlini də ibadəti kimi yazsınlar."

Təcrübə olunmuş və çox təsirli bir xətm: Cümə axşamı, ya cümə günü (gecə yaxud gündüz) üzünü qibləyə tutub “Fatihə” surəsini, sonra isə “Ənam” surəsini "mislə mə utiyə rusulullah" (124-cü ayəyə qədər) oxusun.

Yuxu sənə qələbə etməsin (yuxun qaçsın) deyə, bu ayəni suya oxu və sonra bədənini onunla yu: Ayə: "Vələmmə cəə musə limiqatina..." (Əraf, 143).

Aşağıda zikr edilən ayədə yeddi xüsusiyyət vardır:

Vəsvəsəni, narahatlığı və pis gümanı (sui-zənn) rəf etmək (uzaqlaşdırmaq) üçün bu ayələri oxuyub özündə saxla.

Səələbi öz sənədinə əsasən Əbi Cuhəyfə-dən nəql edir ki, biz Peyğəmbər Məhəmməd (s.ə.v.v)-ə dedik: “Ya Rəsulallah, qocalıq sizdə təsir qoymuşdur?” Həzrət buyurdu: “Bəli, Hud surəsi və onun kimi surələr məni qocaltdı.”

İmam Məhəmməd Baqir (ə) buyurmuşdur: “Hər kəs cümə günü Hud surəsi-ni oxusa, Allah-Taala onu Qiyamətdə peyğəmbərlərlə məhşur edər və hesabını asan edər, elə ki, heç kəs onun günahlarından xəbərdar olmaz.”

Hər kəs hacət üçün Hud surəsi-ni on üç dəfə oxusun.

Aşağıdakı ayəni yazıb avtomobilə bağlayan şəxs Allahın izni ilə hər cür xətər və təhlükədən qorunar: "Və qalərkəbu fiha bismillahi məcraha və mursaha innə rəbbi ləğəfurun rəhim" (Hud-41)

Nəbiyyi-Əkrəmdən (s.ə.v.v.) nəql olunub ki: "Hər kəs “Muminun” surəsini cümə günündə oxusa və bu işi davam etdirsə, onun mənzili Firdovsi-Əlada olar."

Hakim Əbu Əbdullah öz "Səhih"ində Ayişədən nəql edir ki, Nəbiyyi-Əkrəm (s.ə.v.v.) belə buyurdu: "Xanımlarınızı evlərdə bekar saxlamayın; onlara toxuculuğu və “Nur” surəsini öyrədin."

Nur ayəsi: "Allahun nurus-səməvati vəl-ərzi..." (“Nur”, 35).

Allahın Rəsulu (s.ə.v.v.) buyurdu: "Hər kəs “Ta-sin Süleyman”ı (“Nəml” surəsini) oxusa, Həzrət Süleymanı, Hudu, Şüeybi, Salehi, İbrahimi təsdiq və təkzib edənlərin sayı qədər həsənat (savab) əcr alar. Qəbirdən çıxanda tövhid kəlməsini deyər."

Hər kəs bu surəni oxusa, heç vaxt onu aldatmazlar.

Allahın Rəsulu (s.ə.v.v) buyurdu: Hər kəs Qəsəs surəsini oxusa, Həzrəti Musanı (ə) təsdiq və təkzib edənlərin sayı qədər ona həsənə verilər. Yer və səmada ona şəhadət verməyən bir mələk qalmaz. Onlar deyərlər ki, doğrusu o deyərdi Allahın zatından başqa bütün mövcudat məhv olacaqdır. Hər dərdi olan bu surəni yazıb özündə saxlasa, Allahın izni ilə şifa tapar.

Əbi Bəsirdən rəvayət olunub ki, İmam Cəfər Sadiq (ə) belə buyurdu: "Hər kəs mübarək Ramazan ayının iyirmi üçüncü gecəsi “Ənkəbut” və “Rum” surəsini oxusa, Allaha and olsun, Behişt əhlindən olacaqdır. Heç vaxt bir kəsi bu hökmdən istisna etmərik."

Əbi Bəsirdən rəvayət olunub ki, İmam Cəfər Sadiq (ə) belə buyurdu: "Hər kəs mübarək Ramazan ayının iyirmi üçüncü gecəsi “Ənkəbut” və “Rum” surəsini oxusa, Allaha and olsun, Behişt əhlindən olacaqdır."

Allahın Rəsulu (s.ə.v.v.) buyurdu: "Bu surəni (“Rum”) oxuyan kəsə yerdə və səmada Pərvərdigarına təsbih deməklə məşğul olan mələklərdən on dəfə çox əcr verilər."

Haris Həmədani deyir ki, Əmirəlmöminin (ə) buyurdu: "Hər kəs şəfəq batanda bu ayəni — “Fə-subhanəllahi hinə tumsunə və hinə tusbihun. Və ləhul-həmdu fis-səməvati vəl-ərzi və əşiyyən və hinə tuzhirun” (“Rum”, 17-18) — üç dəfə oxusa, o gecə xeyir işlər əlindən çıxmaz."

İmam Baqir (ə) buyurdu: "Bir kəs hər gecə “Loğman” surəsini oxusa, Allah-taala o gecə onu sübhə qədər İblisin və onun qoşununun şərrindən qorumaq üçün mələklər göndərər. Əgər bu surəni gündüz oxusa, həmin gün şəfəq batana qədər mələklər onu şeytanların şərrindən qoruyar."

Allahın Rəsulu (s.ə.v.v.) buyurdu: "Bir kəs “Loğman” surəsini oxusa, Qiyamətdə Həzrət Loğman onunla dost olar. Ona yaxşılığa əməl etmiş və pisliklərdən qorunmuş kəsin savabından on dörd dəfə çox savab verilər."

Leys ibn Zübeyr Cabirdən rəvayət edir ki, o deyirdi: "Allahın Rəsulu (s.ə.v.v.) gecələr bu iki surəni oxumamış yatmazdı."

Həsən ibn Übəyyil-Əladan nəql olunub ki, İmam Sadiq (ə) belə buyurdu: Hər kəs cümə günləri Saffat surəsini oxusa, həmişə bütün xətalardan amanda qalar, bu dünyada hər cür giriftarçılıqdan və müsibətdən qorunmuş olar, ruzinin bolluğundan tamamilə faydalanar. Allah onu qovulmuş şeytanın və yaxud zülmkarın şərrindən giriftar etməz.

Übəyy ibn Kəb deyir: Allahın Rəsulu (s.ə.v.v.) buyurdu: Bir kəs Saffat surəsini oxusa, Allah ona on həsənə əta edər, onu bütün cinlərdən, şeytanlardan və şirkdən uzaq edər.

Cübəyr Əzrəmidən nəql olunub ki, İmam Məhəmməd Baqir (ə) buyurdu: Hər kəs cümə axşamı Sad surəsini oxusa, dünya və axirət xeyrindən o qədər ona verilər ki, mürsəl peyğəmbərlərdən və müqərrəb mələklərdən başqa heç bir insana verilməyib.

Übəyy ibn Kəb Nəbiyyi-Əkrəmdən (s.ə.v.v.) nəql edib ki, Həzrət belə buyurdu: Hər kəs Sad surəsini oxusa, Allah Davud (ə) üçün ram etdiyi dağlar ağırlığında ona həsənat verər.

Harun ibn Xaricdən nəql olunub ki, İmam Sadiq (ə) belə buyurdu: Hər kəs Zumər surəsini oxusa və kəlmələrini aram və aydın tələffüz etsə, Allah ona dünyada və axirətdə abır, başıucalıq əta edər. Onu qohum-əqrəbasının sərvətinə ehtiyaclı etməyib, əziz edər.

Übəyy ibn Kəb Allahın Rəsulundan (s.ə.v.v.) nəql edir ki, Həzrət belə buyurdu: Hər kəs Zumər surəsini oxusa, onun ümidi qırılmayıb, qorxanların (Allahdan qorxan kəslərin) savabını ona əta edərlər.

Əbis Səbah Kənanidən nəql olunub ki, imam Baqir (ə) belə buyurdu: Bir kəs hər gecə "ha-mim" Mömin surəsini oxusa, Allah onun keçmiş günahlarının (cavanlıqda və qocalıqda) hamısını bağışlayar, təqva kələməsini və Allahpərəstliyi onun həmdəmi edər.

Allahın Rəsulu (s.ə.v.v) buyurdu: Bir kəs Behişt bağlarında gəzmək istəyirsə, əvvəli "Ha-mim"-lə başlayan surələri oxusun.

Übəyy ibn Kəb deyir: Nəbiyyi-Əkrəm (s.ə.v.v) buyurdu: Hər kəs ha-mim Mömin surəsini oxusa, bütün möminlərin və Peyğəmbərlərin ruhu ona namaz qılarlar və onun üçün bağışlanmaq tələb edərlər.

Zərih Məharibdən nəql olunub ki, Həzrət Sadiq (ə) belə buyurdu: Hər kəs Ha-Mim Səcdə (Fussilət) surəsini oxusa, Qiyamət günündə elə göz baxdıqca görünən bir nura sahib olub, şad və xoşhal olacaq.

Übəyy ibn Kəb Nəbiyyi-Əkrəmdən (s.ə.v.v.) nəql edib ki, Həzrət belə buyurdu: Hər kəs Ha-Mim Səcdə surəsini oxusa, onun hər hərfinin sayı qədər ona həsənat veriləcəkdir.

Seyf ibn Öməyrədən nəql olunub ki, İmam Sadiq (ə) belə buyurdu: Hər kəs Ha-Mim-Əyn-Sin-Qaf surəsini (Şura surəsini) oxumağa davam etdirsə, Allah Qiyamət günündə onu nur üzlü kimi Öz dərgahında dayandırar və Allah ona xitab edər.

Übəyy ibn Kəb Nəbiyyi-Əkrəmdən (s.ə.v.v.) nəql edib ki, Həzrət belə buyurdu: Hər kəs Şura surəsini oxusa, mələklər ona salam göndərər və onlar üçün bağışlanmaq və rəhmət tələb edən şəxslərdən olar.

İmam Baqir (ə) buyurdu: Hər kəs Zuxruf surəsini çox oxusa, Allah onun cəsədini qəbirdə, Onun qarşısında qalxacağı günə kimi həşəratlardan, yırtıcılardan və qəbrin sıxıntısından qoruyacaqdır.

Nəbiyyi-Əkrəm (s.ə.v.v.) buyurdu: Hər kəs Zuxruf surəsini oxusa, Qiyamətdə hesab çəkilməmiş Behiştə daxil olar.

İmam Baqir (ə) buyurdu: Hər kəs Duxan surəsini vacibi və yaxud nafilə namazlarında oxusa, Allah onu Qiyamət günündə amanda qalmışlar zümrəsində qaldırar, Öz Ərşinin kölgəsində ona yer verər.

Nəbiyyi-Əkrəm (s.ə.v.v.) buyurdu: Hər kəs cümə axşamı Duxan surəsini oxusa, o, bağışlanacaqdır.

Əbu Hüreyrə Allahın Rəsulundan (s.ə.v.v.) nəql edir ki, Həzrət buyurdu: Hər kəs gecə Duxan surəsini oxusa, yetmiş min mələk onun üçün bağışlanmaq tələb edərək sübhü açar.

İmam Sadiq (ə) buyurdu: Casiyə surəsini oxuyan kəsin savabı bundan ibarətdir ki, o heç vaxt Cəhənnəm atəşini görməz, onun gurultulu nərəsini eşitməz və Məhəmmədlə (s.ə.v.v.) bir yerdə olar.

Həzrəti-Rəsul (s.ə.v.v.) buyurdu: Hər kəs Casiyə surəsini oxusa, Allah hesab və Qiyamət günü onun övrətini örtər və onun qorxmasını aradan aparar.

İmam Sadiq (ə) buyurdu: Bir kəs hər gecə və yaxud həftədə bir dəfə Əhqaf surəsini oxusa, Allah onu bu dünyada qorxu və iztiraba düçar etməz, Qiyamət gününün qorxusundan da amanda qalar.

Nəbiyyi-Əkrəm (s.ə.v.v.) buyurdu: Hər kəs Əhqaf surəsini oxusa, dünyada olan qumların sayı qədər ona həsənat veriləcək, onun on pis işini məhv edib, ona on dərəcə veriləcək.

İmam Sadiq (ə) buyurdu: Hər kəs Əlləzinə Kəfəru (Muhəmməd) surəsini oxusa, heç vaxt şəkk etməz. Onun qəlbində heç vaxt dininə aid bir şəkk-şübhə yol tapmaz.

Allahın Rəsulu (s.ə.v.v.) buyurdu: Hər kəs Muhəmməd (s.ə.v.v.) surəsini oxusa, ona Behişt arxlarından içirtmək Allah üçün vacibdir.

Yenə də İmam Sadiq (ə) buyurdu: Hər kəs bizim və düşmənlərimizin halından xəbərdar olmaq istəyirsə, Muhəmməd (s.ə.v.v.) surəsini oxuması gərəkdir. Düşmənə zəfər (qələbə) çalmaq niyyəti ilə və həmçinin qorunmaq üçün bu surəni oxusun.

İmam Sadiq (ə) buyurdu: Malınızı, həyat yoldaşlarınızı və qullarınızı Fəth surəsini oxumaqla məhv olmaqdan qoruyun və sığorta edin.

Nəbiyyi-Əkrəm (s.ə.v.v.) buyurdu: Hər kəs Fəth surəsini oxusa, mənimlə Məkkənin fəthində iştirak etmiş kəs kimidir.

Ömər ibn Xəttab deyir: Səfərlərin birində Peyğəmbər-Əkrəmlə (s.ə.v.v.) birlikdə idik, Həzrət buyurdu: Dünən gecə mənə elə bir surə nazil oldu ki, dünyada və onun içindəkilərdən daha yaxşıdır.

İmam Sadiq (ə) buyurdu: Hucurat surəsini hər gecə yaxud hər gün oxuyan kəs, Məhəmmədin (s.ə.v.v) zəvvarından olacaqdır.

Nəbiyyi-Əkrəm (s.ə.v.v) buyurdu: Hər kəs Hucurat surəsini oxusa, itaət edənlərin və yaxud etməyənlərin sayı qədər ona həsənə veriləcək.

İmam Məhəmməd Baqir (ə) buyurdu: Hər kəs Qaf surəsini vacibi və müstəhəb namazlarında oxumağa davam etsə, Allah onun ruhunu bol edər, əməl-naməsini sağ əlinə verər, hesabını asan çəkər.

Nəbiyyi-Əkrəm (s.ə.v.v) buyurdu: Hər kəs Qaf surəsini oxusa, Allah onun üçün ölümün çətinliyini asanlaşdırar.

Nəbiyyi-Əkrəm (s.ə.v.v) buyurdu: Hər kəs Zariyat surəsini oxusa, dünyada hər küləyin sayı qədər həsənə verilər. Hər gün Zariyat və İnşirah surəsini oxuyan kəsin işlərinin sonu xeyrə qovuşar, özünün və ailəsinin ruzisi çoxalar.

İmam Sadiq (ə) və İmam Baqir (ə) buyurdular: Hər kəs Tur surəsini oxusa, Allah ona dünya və axirət xeyrini əta edər.

Nəbiyyi-Əkrəm (s.ə.v.v) buyurdu: Hər kəs Tur surəsini oxusa, Allah onu öz əzabından amanda saxlayar və Behiştində ona nemət verər.

İmam Sadiq (ə) buyurdu: Hər kəs gündüz və gecə Nəcm surəsini oxumağı davam etdirərsə, xalq arasında əziz olub abırla yaşayar və günahları bağışlanar.

Allahın Rəsulu (s.ə.v.v) buyurdu: Hər kəs Nəcm surəsini oxusa, mənə iman gətirən və məni inkar edən kəslərin sayı qədər həsənə veriləcək.

İmam Sadiq (ə) buyurdu: Hər kəs "İqtərəbətis-saət" (Qəmər) surəsini oxusa, Allah Qiyamət günü onu Behişt dəvələrindən birinə minmiş halda məşhərə daxil edər.

Nəbiyyi-Əkrəm (s.ə.v.v) buyurdu: "İqtərəbətis-saət" (Qəmər) surəsini hər gün oxumağı davam etdirən kəsin sifəti Qiyamət günündə on dörd gecəlik ay kimi parlaq olar.

İmam Sadiq (ə) buyurdu: Namazlarınızda "ər-Rəhman" surəsini oxumağı tərk etməyin. Çünki qərar tapmaz. Qiyamət günü Allah onu ən gözəl və xoş iyli adamlar sifətində gətirər.

İmam Sadiq (ə) buyurdu: Hər kəs "ər-Rəhman" surəsini oxusa və hər dəfə "Fəbiəyyi alai rəbbikuma tukəzziban" ayəsini oxuyandan sonra "La bişəyin min alaikə rəbbi ukəzzib" cümləsini gecə yaxud gündüz oxuyub dünyadan köçsə, şəhid kimi ölmüşdür.

Nəbiyyi-Əkrəm (s.ə.v.v) buyurdu: Hər kəs ər-Rəhman surəsini oxusa, Allah onun zəifliyinə və gücsüzlüyünə görə ona rəhm edər.

İmam Sadiq (ə) buyurdu: Hər cümə axşamı Vaqiə surəsini oxuyan kəsi Allah sevər və həmçinin onun məhəbbətini xalqında yaşadığı müddətdə bədbəxtlik yoxsulluq görməz, dünyada ona bir ziyan dəyməz.

İmam Məhəmməd Baqir (ə) buyurdu: Hər kəs gecə yatmazdan əvvəl Vaqiə surəsini oxuyan kəs, çöhrəsi on dörd gecəlik ay kimi nur saçan halda Allahı dərk edər.

Allahın Rəsulu (s.ə.v.v) buyurdu: Vaqiə surəsini oxuyan bir kəs qəflət əhlindən olmaz.

İmam Sadiq (ə) buyurdu: Hər kəs vacibi namazlarında Hədid surəsini oxumağı davam etdirsə, Allah onu yaşadığı müddətdə heç əzab etməz, özünün və ailəsinin canı heç bir xəstəlik görməz.

Nəbiyyi-Əkrəm (s.ə.v.v) buyurdu: Hər kəs Hədid surəsini oxusa, Allaha və Peyğəmbərə iman gətirmiş şəxslərdən olar.

Allahın Rəsulu (s.ə.v.v) buyurdu: Mucadilə surəsini oxuyan bir kəs Qiyamət günündə Hizbullah ünvanında qələmə alınar.

Həzrət Sadiq (ə) buyurdu: Gecələr Rəhman və Həşr surəsini oxuyan kəsin evinə sübhə qədər gözətçilik etmək üçün əlində siyirmə qılıncı olan bir mələk göndərər.

Allahın Rəsulu (s.ə.v.v) buyurdu: Həşr surəsini oxuyan kəsə, Behişt, Cəhənnəm, ərş, kürsü, hucub, göyün yeddi təbəqəsi, yerin yeddi qatı, hava, küləklər, quşlar, ağaclar, dağlar, günəş, ay, mələklər salam göndərər və onun üçün bağışlanmaq tələb edərlər.

Əli ibnil Hüseyn (ə) buyurdu: Bir kəs gündəlik vacibi və müstəhəb namazlarında Mumtəhənə surəsini oxusa, Allah onun qəlbini imanla nurlandırar və gözlərini işıqlayar.

Allahın Rəsulu (s.ə.v.v) buyurdu: Qiyamət günündə Mumtəhənə surəsini oxuyan kəs üçün mömin kişi və möminə qadınlar şəfaətçi olacaqlar.

Nəbiyyi-Əkrəm (s.ə.v.v) buyurdu: Hər kəs Saff (Səf) surəsini oxusa, həyatda olduğu müddətdə Həzrət İsa (ə) ona salam göndərər və bağışlanmasını istəyər. Qiyamətdə isə o Həzrətin dostlarından və köməkçilərindən olar.

İmam Sadiq (ə) buyurdu: Bizim davamçılarımızdan sayılan mömin şəxsin vacibatlarından biri budur ki, Cümə surəsini oxusun. Cümə gününün Zöhr namazının birinci rükətində Cümə surəsini, ikinci rükətində isə Münafiqun surəsini oxumaqla, elə bil ki, Allahın Rəsulunun (s.ə.v.v) əməlini yerinə yetirmiş olur.

Nəbiyyi-Əkrəm (s.ə.v.v) buyurdu: Cümə surəsini oxuyan şəxsə, müsəlman şəhərlərində iştirak edən və iştirak etməyənlərin sayı qədər on həsənə yazılar.

Nəbiyyi-Əkrəm (s.ə.v.v) buyurdu: Münafiqun surəsini oxuyan şəxs nifaqdan və ikiüzlülükdən uzaq olar, qəlbi pak və səmimi iman sahibi olar. Cümə namazlarında oxunması xüsusi tövsiyə edilmişdir.

İmam Məhəmməd Baqir (ə) buyurdu: Bir kəs gündəlik vacibi namazlarında Təğabun surəsini oxusa, Qiyamət günü bu surə onu şəhadəti keçən bir şəxsin yanında ədalətli şəkildə daxil edənə qədər tərk etməz.

Nəbiyyi-Əkrəm (s.ə.v.v) buyurdu: Hər kəs Təğabun surəsini oxusa, qəflətən ölməkdən xilas olar.

İmam Sadiq (ə) buyurdu: Hər kəs özünün gündəlik vacibi namazlarında Təlaq və Təhrim surəsini oxusa, əgər o Qiyamət günündə qorxan və qəmli olan kəslərdən olsa, Allah onu öz pənahında saxlayar, onu Cəhənnəm odundan əfv olunar.

Nəbiyyi-Əkrəm (s.ə.v.v) buyurdu: Hər kəs Təlaq surəsini oxusa, Allahın Rəsulunun (s.ə.v.v) milləti kimi dünyadan köçmüşdür.

İmam Sadiq (ə) buyurdu: Hər kəs özünün gündəlik vacibi namazlarında Təlaq və Təhrim surəsini oxusa, Allah bu iki surəni oxuduğuna və onları qoruduğuna görə onu Behiştə aparar.

Nəbiyyi-Əkrəm (s.ə.v.v) buyurdu: Allah Təhrim surəsini oxuyan şəxsə nəsihətli tövbə əta edər.

“Təbarəkəl-ləzi biyədihil Mulku” (Mulk surəsi)

İmam Sadiq (ə) buyurdu: Hər kəs Təbarəkəl-ləzi biyədihil Mulku surəsini vacibi namazlardan əvvəl oxusa, Allah onu Behiştdə daxil edər inşaallah.

Allahın Rəsulu (s.ə.v.v) buyurdu: Təbarək (Mulk) surəsini oxuyan şəxs qədr gecəsini oyaq qalıb əhya saxlayan kəs kimidir.

İbn Əbbas rəvayət edir ki: Qiyamət günündə insanı Cəhənnəm odundan çıxarıb, Behiştdə daxil edən surə Mulk surəsidir. Bu surə qəbr əzabından da qoruyar.

İmam Sadiq (ə) buyurdu: Hər kəs Nun vəl-qələm surəsini vacibi və müstəhəbbi namazlarda oxusa, Allah onu çətinlik və yoxsulluqdan qoruyar, və qəbr sıxıntısından və əzabından qorusun.

Rəsulu-Əkrəm (s.ə.v.v) buyurdu: Nun vəl-qələm surəsini oxuyan kəsə Allah xoşəxlaq adamların savabını əta edər.

İmam Baqir (ə) buyurdu: Haqqə surəsini çox oxuyun, vacibi və müstəhəb namazlarda oxumaq iman nişanələrindəndir. Onu oxuyan Allahın hesab gününü görənə qədər dinsiz olmaz.

Nəbiyyi-Əkrəm (s.ə.v.v) buyurdu: Hər kəs Haqqə surəsini oxusa, Allah onun hesabını asan tutacaqdır.

İmam Sadiq (ə) buyurdu: Səələ Sailun (Məaric) surəsini çox oxuyun. Çünki hər kəs onu çox oxusa, Allah Qiyamətdə onun etdiyi günahdan soruşmaz və Behiştdə Nəbiyyi-Əkrəm (s.ə.v.v) və əhli beyti ilə birlikdə yer verər.

Allahın Rəsulu (s.ə.v.v) buyurdu: Hər kəs Məaric surəsini oxusa, Allah namaz qılanların, oruc tutanların, zəkat verənlərin və əmanətə riayət edən kəslərin savabını onun əməl dəftərində yazar.

İmam Sadiq (ə) buyurdu: Hər kəsin Allaha imanı varsa, və onun kitabını oxuyarsa, "İnna ərsəlna Nuhən ila qəvmihi" (Nuh) surəsini oxumağı tərk etməsin. Bir bəndə onu xalis niyyətlə və haqq üçün, vacib və yaxud müstəhəbbi namazında oxusa, Allah onu Qiyamətdə saleh və ləyaqətli bəndələrlə birlikdə məskunlaşdırar.

Nəbiyyi-Əkrəm (s.ə.v.v) buyurdu: Hər kəs Nuh (ə) surəsini oxusa, Nuhun (ə) dəvətini qəbul etmiş möminlərdən olacaqdır.

İmam Sadiq (ə) buyurdu: "Qul uhiyə iləyyə" (Cin) surəsini çox oxuyan kəs ömrü boyu göz yarasına, sehr-caduya və cinlərin hiyləsinə düçar olmaz və Məhəmməd peyğəmbər (s.ə.v.v) ilə birlikdə olar.

Allahın Rəsulu (s.ə.v.v) buyurdu: Hər kəs Cin surəsini oxusa, Allah ona Peyğəmbəri (s.ə.v.v) təsdiq və ya təkzib edən hər bir cin və şeytanın sayı qədər savab əta edər.

İmam Sadiq (ə) buyurdu: Bir kəs işa namazında yaxud gecə yarısı Muzzəmmil surəsini oxusa, gecə və gündüz Muzzəmmil surəsi onun üçün şəhadət verər və Allah onu bəyənilmiş bir yaşayışla diri saxlayar.

Nəbiyyi-Əkrəm (s.ə.v.v) buyurdu: Hər kəs Muzzəmmil surəsini oxusa, dünya və axirətin çətinlikləri onun üzərindən götürülər.

İmam Baqir (ə) buyurdu: Bir kəs vacib namazlarında Müddəssir surəsini oxusa, Allahın haqqı vardır ki, onu Rəsulu (s.ə.v.v) ilə qonşu etsin və onun dərəcəsində qərar versin.

Allahın Rəsulu (s.ə.v.v) buyurdu: Hər kəs Müddəssir surəsini oxusa, Məhəmmədi (s.ə.v.v) Məkkədə təsdiq və ya təkzib edənlərin sayı qədər ona on həsənə verilər.

İmam Baqir (ə) buyurdu: Bir kəs "La uqsimu" (Qiyamət) surəsini oxumağa davam edib ona əməl etsə, Allah onu qəbirdən Rəsulu (s.ə.v.v) ilə birlikdə gözəl çöhrədə qaldırar.

Allahın Rəsulu (s.ə.v.v) buyurdu: Hər kəs Qiyamət surəsini oxusa, Qiyamətdə mən və Cəbrail (ə) onun üçün şəhadət verərik ki, o, Qiyamət gününə iman gətirmişdir.

Həzrət Sadiq (ə) buyurdu: Qiyamət surəsini oxumaq qəlbi kövrəldər, insanı iffətli olmağa cəlb edib onu günahdan qoruyar. Hər kəs onu oxusa, padşahdan qorxmaz, gecə və gündüz bəlalardan qorunar.

İnsan surəsini vacib və müstəhəb namazlarda oxumaq insanın imanının kamilləşməsinə, ruhunun təmizlənməsinə və axirətdə böyük nemətlərə nail olmasına kömək edər. Səxavət və fədakarlıq rəmzi olan bir surədir.

İmam Sadiq (ə) buyurdu: Hər kəs "Əlmursəlati urfən" surəsini oxusa, Allah onunla Peyğəmbəri Məhəmməd peyğəmbər (s.ə.v.v) arasında tanışlıq yaradar.

Nəbiyyi-Əkrəm (s.ə.v.v) buyurdu: Hər kəs Mursəlat surəsini oxusa, onun müşriklərdən olmadığı yazılar.

İmam Baqir (ə) buyurdu: Hər kəs "Əmmə yətəsaəlun" surəsini oxusa və onu hər gün oxumağa davam etsə, bir il keçməz ki, Allahın evinin ziyarətinə nail olar, inşallah.

Nəbiyyi-Əkrəm (s.ə.v.v) buyurdu: "Əmmə yətəsaəlun" surəsini oxuyan kəsi Allah Qiyamət günündə sərin şərablarla sirab edər.

İmam Sadiq (ə) buyurdu: Naziat surəsini oxuyan bir kəs sirab olmamış ölməz, Qiyamətdə sirab olmamış qaldırılmaz və sirab olmamış Behiştə daxil olmaz.

Nəbiyyi-Əkrəm (s.ə.v.v) buyurdu: Hər kəs Naziat surəsini oxusa, Qiyamət günündə dayandırılacağı və hesab olunacağı müddət, vacib namazın vaxtı qədər olacaq.

İbn Əbbas Allahın Rəsulundan (s.ə.v.v) nəql edir ki, hər kəs Naziat surəsini oxusa, ömrünün əvvəlindən sonuna qədər vacib namazda məşğul olmuş kimi olar.

İmam Sadiq (ə) buyurdu: Hər kəs "Əbəsə və Təvəla" və "İzəş-şəmsu kuvvirət" surələrini oxusa, xəyanət olunmaqdan himayədə olar, kəramətə layiq olar və Behiştdə məskunlaşar.

Allahın Rəsulu (s.ə.v.v) buyurdu: Hər kəs Əbəsə surəsini oxusa, Qiyamət günündə üzü gülər və xoşhal halda gələr.

Allahın Rəsulu (s.ə.v.v) buyurdu: "İzəşşəmsu Kuvvirət" surəsini oxuyan bir kəs, Allah-taala əməl dəftərini açanda rüsvay olmaqdan qorunar.

Əbdullah ibn Ömər deyir: Nəbiyyi-Əkrəm (s.ə.v.v) buyurdu: Qiyamət günündə hər kəs mənə baxmaq istəyirsə, "İzəşşəmsu Kuvvirət" surəsini oxusun.

İmam Sadiq (ə) buyurdu: Bir kəs bu iki "İzəs-səmaunfətərət" və "İza-səmaunşəqqət" surəsini oxusa, və bunları vacibi və müstəhəbbi namazlarında dil əzbəri etsə, Allah onu istədiyinə çatdırar.

Nəbiyyi-Əkrəm (s.ə.v.v) buyurdu: Hər kəs damlanın sayı qədər yüz həsənə ona əta edib, Qiyamət günündə onun işlərini islah edər.

İmam Sadiq (ə) buyurdu: Hər kəs vacib namazlarında "Vəylun lilmutəffifin" surəsini oxusa, Allah onu Qiyamətdə Cəhənnəm odundan amanda saxlayar; nə od onu görə bilər, nə o odu.

Allahın Rəsulu (s.ə.v.v) buyurdu: Mutəffifin surəsini oxuyan kəsi Allah rəhiq məxtumdan (qapağı bağlı qablardan) sirab edər.

Allahın Rəsulu (s.ə.v.v) buyurdu: Hər kəs İnşəqqət (İnşiqaq) surəsini oxusa, Allah əməl dəftərinin arxa tərəfindən verilməsindən onu qoruyar.

İmam Sadiq (ə) buyurdu: "Hər kəs «Vəssəmai zatil-büruc» surəsini buna xatir ki, o, Peyğəmbərlər surəsidir, məhşərdə və hesab üçün dayandırılanda Peyğəmbərlərlə, göndərilmişlərlə, ləyaqətli insanlarla birlikdə olacaqdır."

Allahın Rəsulu (s.ə.v.v) buyurdu: "Büruc surəsini oxuyan kəsə Allah, bütün cümə və Ərəfə günlərinin sayı qədər ona on həsənə əta edər."

İmam Sadiq (ə) buyurdu: "Bir kəsin vacibi namazlarda oxuduğu «Əssəma vəttariq» surəsi olsa, Qiyamət günündə Allah yanında məqam və mənsəb sahibi olub, Behiştdə Peyğəmbərlərin (ə) və dostlarının həmdəmlərindən olacaqdır."

Allahın Rəsulu (s.ə.v.v): "Ət-Tariq surəsini oxuyan kəsə Allah, səmadakı ulduzların sayı qədər on həsənə bağışlayar."

İmam Sadiq (ə) buyurdu: "Bir kəs özünün vacibi namazlarında «Səbbih-ismə rəbbikəl Əla» surəsini oxusa, Qiyamət günündə ona deyərlər: Behiştin hər hangi qapılarının birindən Allahın köməyi ilə daxil ol."

Nəbiyyi-Əkrəm (s.ə.v.v) buyurdu: "Hər kəs Əla surəsini oxusa, Allah Həzrət İbrahimə (ə), Musaya (ə) və Məhəmmədə (s.ə.v.v) nazil etdiyi hər bir hərfin sayı qədər ona həsənə əta edər."

Əli ibn Əbu Talibdən (ə) nəql olunub ki, Allahın Peyğəmbəri (s.ə.v.v) bu surəni sevərdi.

İmam Sadiq (ə) buyurdu: "Bir kəs gündəlik namazlarında «La uqsimu bihazil-bələd» surəsini oxusa, bu dünyada ləyaqətli və tanınmış olar. Axirət dünyasında isə Allah yanında məqam sahibi olub, orada peyğəmbərlərlə, şəhidlərlə və bəyənilmişlərlə həmdəm olacaqdır."

Allahın Rəsulu (s.ə.v.v) buyurur: "Bir kəs Bələd surəsini oxusa, Allah onu Qiyamət gününün qəzəbindən amanda saxlayar."

İmam Sadiq (ə) buyurdu: "Bir kəs «Vəşşəms», «Vəlləyl», «Vəzzuha» və «Ələm nəşrəh» surələrini oxusa, heç bir şey onun ətrafına toplaşmaz, madam ki, onun xeyrinə şəhadət verərlər. Allah-taala buyurar: 'Bəndəmin xeyrinə verdiyiniz şəhadəti qəbul etdim və ona əsasən hökm verdim. Onunla Mənim Behiştimə tərəf gedin və hansı yeri bəyənirsə, oranı seçin.'"

Peyğəmbər-Əkrəm (s.ə.v.v) buyurdu: "Bir kəs Şəms surəsini oxusa, elə bil ki, günəş və ay saçmış bütün şeylər qədər sədəqə vermişdir."

Allahın Rəsulu (s.ə.v.v) buyurdu: "Allah, Ləyl surəsini oxuyan kəsə o qədər nemət əta edər ki, o razı qalar; onu yoxsulluqdan çıxarıb varlılığı onun üçün asanlaşdırar."

Əqəbə ibn Amirdən nəql olunub ki, o belə dedi: "Allahın Rəsulu (s.ə.v.v) Zuha namazını «Şəms» və «Zuha» surələri ilə qılmağımızı bizə əmr etdi."

Nəbiyyi-Əkrəm (s.ə.v.v) buyurdu: "Bir kəs Zuha surəsini oxusa, Allah ondan razı olmuş şəxslərdən olar; Həzrət Məhəmmədin (s.ə.v.v) öhdəsindədir ki, onu şəfaət etsin."

Allahın Rəsulu (s.ə.v.v) buyurdu: "Bir kəs «Ələm nəşrəh» surəsini oxusa, Allah ona, o Həzrəti (s.ə.v.v) qəmgin görüb, sonra o Həzrətin çöhrəsindən və qəlbindən qəm və qüssəni aparan şəxsin əcrini əta edər."

Nəbiyyi-Əkrəm (s.ə.v.v) buyurdu: "Hər kəs bu surəni oxusa, mənimlə görüşmüş şəxsin muzdunu alar."

İmam Sadiq (ə) buyurdu: "Hər kəs «İqrə bismi rəbbikə» surəsini gecə yaxud gündüz oxusa və həmin gecə yaxud gündüz dünyadan köçsə, şəhid kimi köçmüşdür."

İmam Sadiq (ə) buyurdu: "Bir kəs özünün vacib namazlarının birində «İnna ənzəlna» surəsini oxusa, haqq münadi nida edərək deyər ki: 'Ey Mənim bəndəm, Allah sənin keçmiş günahlarını bağışladı, əməlini yenidən başla'."

İmam Sadiq (ə) buyurdu: "«İza zulzilətil-ərzu» surəsini oxumaqdan yorulmayın. Çünki bir kəs nafilə namazlarında bu surəni oxusa, Allah onu heç vaxt zəlzələ, ildırım vurması və bunun kimi dünya bəlaları ilə həlak etməz."

Nəbiyyi-Əkrəm (s.ə.v.v) buyurdu: "Bir kəs bu surəni (Zilzal) oxusa, elə bil ki, «Bəqərə» surəsini oxumuşdur."

İmam Sadiq (ə) buyurdu: Bir kəs Huməzə surəsini özünün vacibi namazlarında oxusa, Allah yoxsulluğu ondan uzaq edər, ruzini ona yaxınlaşdırar və pis ölümü ondan dəf edər.

İmam Sadiq (ə) buyurdu: Bir kəs özünün vacibi namazlarında Fil surəsini oxusa, Qiyamətdə bütün qumlar, dağlar, çəmənliklər onun xeyrinə şəhadət verərlər ki, o namaz qılanlardandır.

Übəyy ibn Kəbdən nəql olunmuş hədisdə vardır ki, hər kəs Fil surəsini oxusa, Allah onu dünyada yaşadığı müddətdə məsx olmaqdan, iftira və böhtana mübtəla olmaqdan qoruyar.

Nəbiyyi-Əkrəm (s.ə.v.v) buyurub: Hər kəs Fil surəsini müharibədə oxusa, möhkəm, ciddiyyətli olar, və hər cür iradəsizlikdən uzaq olar.

İmam Sadiq (ə) buyurdu: Hər kəs Kövsər surəsini vacib və müstəhəb namazlarında oxusa, Qiyamət günü Kövsər hovuzunun suyundan içər və Peyğəmbərin (s.ə.v.v) hüzurunda olar. Çoxlu xeyir-bərəkət gətirən surədir.

İmam Baqir (ə) buyurdu: Hər kəs Vətr namazında "Qul əuzu birəbbil fələq" və "Qul əuzu birəbinnas" (muəvvəzətəyn) surələrini "Qul huvəllahu əhəd" surəsi ilə oxusa, o şəxsə belə xitab olunar: 'Ey Allahın bəndəsi sənə muştuluq veririk, Allah sənin vətr namazını qəbul etdi.'

İmam Sadiq (ə) buyurur ki, xəstənin yanında əyləşib Həmd, Fələq və Nas surələrinin hər birini on dəfə bihuş olmuş xəstəyə oxusanız, o ayılar.